|
ქართველოლოგი ”ქართველოლოგი” ორენოვანი (ქართული და ინგლისური), რეცენზირებადი, პროფესიული და აკადემიური ჟურნალია. მოიცავს ქართველოლოგიური მეცნიერების ყველა სფეროს. ქართველოლოგიის დარგში მეცნიერული სიახლეების დანერგვასთან ერთად მიზნად ისახავს ქართველ მკვლევართა ნერკვევების პოპულარიზაციას საერთაშორისო დონეზე და საზღვარგარეთული ქართველოლოგიური მეცნიერების გავრცელებას ქართულ სამეცნიერო წრეებში. ჟურნალი ”ქართველოლოგი” წელიწადში ორჯერ გამოდის როგორც ბეჭდური, ასევე ელექტრონული სახით. 1993-2009 წლებში იგი მხოლოდ ბეჭდურად გამოდიოდა (NN 1-15). გამომცემელია ”ქართველოლოგიური სკოლის ცენტრი” (თსუ), ფინანსური მხარდამჭერი - ”ქართველოლოგიური სკოლის ფონდი.” 2011-2013 წლებში ჟურნალი ფინანსდება შოთა რუსთაველის ეროვნული სამეცნიერო ფონდის გრანტით. 
|
ავტორებისთვის
სტატიებისა და რეზიუმეების ენა ციტირების სტილი ა) მითითებული წიგნის შემთხვევა: ავტორის გვარი, მძიმე, ინიციალები წერტილი, მძიმე, სათაური, მძიმე, მითითება ტომზე (თუ ასეთი არსებობს), მძიმე, გამომცემლობის დასახელება, მძიმე, გამოცემის ადგილი, მძიმე, გამოცემის წელი. მაგ: კეკელიძე, კ., ქართული ლიტერატურის ისტორია, ტ. I, ”მეცნიერება”, თბ. 1960 ბ) მითითებული სტატიის შემთხვევა: ავტორის გვარი, მძიმე, ინიციალები წერტილით, მძიმე, სათაური, ორი წერტილი, კრებულის ან ჟურნალის დასახელება ბრჭყალებში (კრებულის შემდგენელზე ან რედაქტორზე მითითებით), მძიმე, გამომცემლობის დასახელება, ქალაქი, მძიმე, წელი, მძიმე, სტატიის გვერდებზე მითითება. მაგ: მეტრეველი, ე., ნიზამის მხატვრული მეტყველების ზოგიერთი თავისებურება: ”პუშკინის სახელობის თბილისის სახელმწიფო პედაგოგიური ინსტიტუტის შრომები”, ტ. V, თბ., 1948, გვ. 177-185. გ) პირველწყაროთა მითითების შემთხვევა: წიგნის სათაური ბრჭყალებში, მძიმე, მითითება ტომზე (თუ ასეთი არსებობს), გამომცემელზე, ან რედაქტორზე, მძიმე, ქალაქი, მძიმე, წელი. მაგ. ”ქართლის ცხოვრება”, I (ს. ყაუხჩიშვილის გამოცემა), თბ. 1955 რედაქტორის პარამეტრები Word Windows-ისთვის:
|
კატეგორიები ჟურნალის არქივი
|